Aye Masarak tii wârâî walwala jûn̰nja magarta n̰eret gêyaynêta baraŋêyee, gûrêya mbo ndalasira mbo kana Masarak kûbôm kûdê.

Ndaŋ ndaŋ ûyôm gêyanig nênnjê ŋêsîra tûî ana n̰eret gêya âgûrîn̰n̰ Kôdûcôr. Njedan̰ mbo neret gêya, Kûbôn̰ômô njûcam kana mênêŋambo.

Baraŋê magarta mênêŋ gii ii, jekoy ndaŋ ndaŋ tee, kawo nosin̰nja mbo, Hâgûdû jârêyân̰ masaraanêŋa wô rôgôrâmbo.

Nondôkôra kana mênêŋa têbêtdê gûrêyambo, solewan kûbômwan, Aye Masarak nûnndûranja ateen̰ nêndambo, nareeo kana înênŋa n̰eret gêyambo, reen̰a gêyambo kosin̰njêsin kêbên dom ken ênetêree

Âssô adal în mêrnêŋa soro Ibrahim Gamar (Aye Kaŋkaŋa) noŋ soron̰n̰ koy nandakacirnu baraŋa Aye Masarak môm magarta mênêŋa kûbôm n̰êret mêgêtegû neNndidêlay.

Njûrî âye Masarak koo, n̰jindi gêmolkadê, njana kênêŋa nûnndûr nanjam kayernaye,

Aye Masarak woo , baraŋê gêmolk njûrtî

https://play.google.com/store/apps/details?id=gamar.ayemasarak.keyboard.com

L'articolo Sêgêlî AYE MASARAK ŋgo fêlâw kee Toyorî !! proviene da DURMONGAA.

kema kînê, kar kemeņ mbo kor rok ken, kana kosiŋ, kanîŋ ûyôm kusol tûrôna,

Kenaŋê aye ŋgo teraken

L'articolo Kanaa Asma taŋ Kenaŋê ! proviene da DURMONGAA.

Souad , Âwôrata lo dukum Metche tîndaye, Kanan Masarak wo ŋgo nômaņû têreeņe, kana kosiŋ, kanîŋ ûyôm kusol tûrôna, kenaŋê aye ŋgo tîraken !

L'articolo Sîgêlî reeņa Kana Masarak mbo (La lecture en Masalit) proviene da DURMONGAA.

Kûrîmoloka âmîn gûnaņ turlaŋ 50 majirintawo dîŋ mena , reeņe gîlêŋag nodo, jûmaso ken,  kallo de wara kana masarak. 

Wîrîkî gîm, nûba kêmêņ nêŋa, njoŋ kadi kêmêņ ênêŋa, ken kana kosiŋ reeņa mbo hâgûdû gûra mbo.

Âssô adalta, soroņ kombolok Durmongaam ndaŋ ndaŋ njoŋo kusol , majirintawo reeņa endigek. Ee onko mbo kaa mûtêree, njoŋ en kûsol , mênêg êyôm de ndoŋ, kawo râgârû ûyôm materee.

Âssô mêrnêŋa majirinta kombolok Durmongaam nêgêye, 

Marcaŋaņ mbo nuba mbo , jo gûnaņ mûnjê gêm kar, kemeņ înêŋawî wo, soŋgoro wamina.

Bûgûlaņ kar ,jîna gûnaņ wo najirintawo dêŋ mêgêgim , minta mbo nosolay.

Êgim , kema kînê, kar kemeņ mbo kor toroen, kana kosiŋ, kanîŋ ûyôm kusol tûrôna, kenaŋê aye ŋgo tîraken

L'articolo Jîno gûnaņ kana Masara dukum Metche ! proviene da DURMONGAA.